KenyahBadeng2020

This image used for decorative purposes only Kelempit/  Shield  Photo credits to Sampik Lepo' Badeng Group Tolat 8: Lepo’ Dempau Tai Oyan Kelempit             Un dau lepo’ kado’ ibo’ apan de dau tai ti kelempit didai re oo, pesingket dau re pipa puun kayu bio ja. Laing Ketumi tekeli sin idan bane ja dau kepala’ kerja ceng besey inan. Laing Busik mepung buke’ belaban dau kepala’ kerja ceng besey laa. Ca liwai dau pintet asai bane, uko’ lata’ lesung re dau ketai obang pesau. Enta majo’ bali majan bane, ya dau “tup…. tum…” dau toyau ne kayu bio’ ja ngebarep, ja ne oban ketai kayu ja kelo’ ke tobang. Un dau Pompen ngajen leyran, mencam noken dalem tapen mudung toyan nebada’ ne oo, “ boka o’ kayu ji tai tobang te’ ibang tau, ja terana’ mik ke un usun oo. Boka o’ tobang te’ ibang kabing, ja terana’ mik ke tun kuun ayau ngelau monan oo”. Enta majo’ bali majan, majo’ ngalun ngepo tekun lawa’ iman, ya dau barep, ya lingai ne odai ketai tobang k...

Tolat 4  : Oyau Abing Ngebua            Lepa sukong ke daje’ jidai re ne oo, ja ne dau ketai kelonan kado’   mibo’ ayan da pokey odai. Pokey ne awa dalem buan. Lenga ne osey mesat bawey jelemojan,anun Oyau Abing Lian Padan. Lengiau ne omak uko’ yap tongka’ pagan. Un oo dik, enta ne dau Oyau Abing Lian Padan sokat tai nyerengan, ngan du oban jawai dau-e sakit nyeregit osa inan lepe dau. Ja dau kenai ne we’ Oyau Abing odai. Buse’ ne we’ da sakit saik dalem inan ke Oyau Abing Lian Padan. Ia nuno’ ne dau Oyau Abing pa kumin ka odai. “Pek katan uk Oyau Abing Lian Padan, kise’ uk takut ji kedut kuan, takut pepatai pepung ponan ngan ayau ngelau monan. Juko’ o’ bada’ iko’ sakit me du. Tajin pik selin lengan o’ne”. Meka dau we’ da nuno’ ia. Saey ngan kelesau ne Oyau Abing ngening dau we’ da nuno’ ia, penco dau-e mita aken kelo’ ketai maweng ne. “Tega nik tai pedaru dalau butu paya loyan te, tai mita bali oman” do pekimet mane. Chapter 4: Oyau Abin...

   T olat 1              : Oyau Abing Ngenupi Terana’ Bolen         Un oban dau ke Lepo’ Dempau naa pingkan naa solau selawan, lepo kusun dempau abun bora’ oyan te, Oyau Abing Lian Padan, laki staring ji sokat mebing ayau kapan, ja dau kepala’ lepo’ re. Ca lepo’ bio’ suwang kapan aya keliko’ sangan jetan. Balan Nyanting Minjung Muan, laki makang osa inan, laki muat nyian kelat piping langan, ji dau kepala’ peniga Lepo Dempau. Padan Oley entuk tetey tiduk ojan, Sinan Laing laki maing patap king la sian, Sinan Putik nepik pingkan, Laing Tit tejulit nogan ait ke’ bena loran, di dau peniga-peniga de’ ca. Temuing Sedek laki makang petebek laki makang pekirek, pegawa bio’, Temuing Isit pebericit peberesan, ji dau tokeng pia’ lepo’. Pampo’ mencam ngio’ ngimpang ngesan, laki pali mepan pipi atuk dongan, ji tokeng pekimet. Pompen ngajen leyran, mencam noken dalem tapen mudun...